踏入分段開學第二週，第一週係N1仔，第二週就係K1-K3，即係話今日全校學生都返齊，可以想像今朝學校有幾熱鬧（嘈）！
有家長覺得唔公平（尤其K1插班生），大家都剩係交九月學費，點解N1班可以八月尾返多一個禮拜咁著數。其實老師都好希望放埋八月最尾果個禮拜既暑假，但無辦法，N1班第一次返學需要大量人手照顧，雖然每日只係返短短幾個鐘，但幾乎要全校總動員。頭兩日容許家長陪伴，變相照顧多一倍人，因為家長唔熟地方都會行錯路，亦會有好多問題想問老師。。
今日見番上年教既N1，即係今年升K1既小朋友，個個返黎見番同學仔都好開心。諗住過去打個招呼，點之有個小朋友問：「你係邊個？」教足佢無一年都有十個月，過左暑假連我係邊個都唔認得！我唔憤氣，於是問佢「我係咩老師呀？」，結果佢好乖咁叫我「咩老師」，激死！
凌蛋老師,我個仔黎緊入N班呀,我超興奮,哈哈
回覆刪除我仔學校都會俾家長陪返學,我想問下,作為老師,你覺得家長果日點樣做,可以配合到老師呢?
哈，看來爸媽比小朋友更興奮呢！
刪除開學日每間幼兒園的安排都有少許不同，有些讓爸媽陪坐凳仔，有些安排爸媽坐班房最後。爸媽要做的，是讓小朋友感覺到有安全後盾，安心探索新環境。爸媽可以幫他看看有哪些友善的小朋友想和他玩，協助他完成老師的指示，他哭的時候給他來個愛的抱抱就行了。
多謝你的意見, 我個仔係細仔, 要到10月先有得返, 好期待佢會點樣面對自己的新生活, 呵呵
刪除